நீ அதுவேதான்

காலைப் பொழுது விடியுமுன்னே

கனிவுடன் புட்களின் பூபாளம்

ஆலைச் சங்கு ஒலிககு முன்னே

அபிநயம் பழகும் மயிலினங்கள்

மழையின் ஈரம் காயு முன்னே

மண்ணில் வீசும் தனித்த மணம்

ம்ழலை மொழி புரியுமு ன்னே

மனதில் நெகிழும் இசை அலைகள்

இயற்கை படைப்பு அனைத்திலுமே

இறைவன் இருப்பதை உணராமல்

செயற்கைத் தேடலை உருவாக்கி

செக்கு மாடாய் சுற்றுவது ஏன்?

உள்ளுணர்வின் சொல் கேட்கு முன்னே

உனக்குள் இருப்பது யாரெனப்பார்!


எள்ளளவாவது அறிந்து கொள்வாய்

எப்போதும் " நீ , அதுவேதான்"